Ingibjörg Elín

ingelin.bloggar.is

Fri, 25 May 2007 14:57:05 GMT

Dagný.. þú áttir seinasta orðið ;)

www.ingelin.bloggar.is

Takk í bili .

bloggar.is ?

Thu, 24 May 2007 18:29:30 GMT

Ég er að spá í hvort ég eigi að fá mér bloggar.is síðu ? :-) Ég er eitthvað svo leið á þessari síðu.. enda búin að eiga hana í meira en 2 ár.

Hvað finnst ykkur ? Er þessi alveg fín eða ætti ég að breyta til ?

Hæ.!

Sat, 19 May 2007 19:23:28 GMT

Í dag er merkilegur dagur

Ég á afmæli, komin með bílpróf og allt í góðu!

Bauð nokkrum stelpum heim til mín í gær og svaka stuð. Síðan fór ég með mömmu að sækja bílprófið kl 12 og auðvitað tókst Einari að hrekkja mig all svakalega...
Hann fór niðrá stöð þegar ég vissi ekki affyrir kl 12 og sagði þeim að segja að bílprófið mitt væri ekki þarna niðri, að það hefði gleymst uppi á sýsluskrifstofu. Ég fékk sjokk og var síðan við það að labba út og þá sögðu þeir að þetta væri djók... mamma vissi þetta og allt það. En þegar út í bíl var komið þá bara fór ég að gráta 8) haha.. fékk bara algert spennufall. Einar var geðveikt sorry en ég jafnaði mig og hélt síðan útí umferðina, það er æðipæði.

Erum líka flutt upp og voðalega gaman.. sit hér í nýja sófasettinu okkar í tölvunni, erum að baka pizzu. mmmm : )

-Ingibjörg afmælisbarn

Bless í bili....

Hæhæ..

Tue, 15 May 2007 17:50:35 GMT

Hæ öll sem .. allavega kíkja inná þessa síðu.

Mikið búið að gerast síðan ég skrifaði seinast : )

Einar átti afmæli
Lísa átti afmæli og fékk bílpróf, til hamingju aftur :*
Ég tók lokaprófin og náði öllu.. 8 í meðaleinkun.
Ég búin með alla mína ökutíma.
Ég prufaði í gær að vinna í hamró, sjáum til hvort ég fái þar inn, gekk allavega mjög vel : )
Húsið mitt svona eiginlega kláraðist, verður tilbúið fyrir smá stelputeiti á föstudaginn vonandi.
Åshild fór aftur til Noregs.
Ég fór á mína fyrstu fótboltaæfingu og tognaði illa, fór til læknis og það kom í ljós að ökklinn er laus í liðnum, ég verð að fara með teyjuband fyrst um sinn og sleppa að spila fótbolta í 3 vikur, ætla bara að ganga og hjóla. Týpiskt !!

Síðan er bara að sjá hvað sumarið ber í skauti sér. Ég vona svo innilega að þeir vilji fá mig til vinnu þarna í Hamraborg, það var bara fínt að vera þarna í gær. Ég fer á Gufuskála 12. júli og verð alveg þangað til 26.júlí. Fyrst á grunnnámskeið og síðan erum við að fara að taka á móti englendingum sem ætla að koma til okkar frá Englandi, en krakkarnir heimsóttu þau einmitt seinasta sumar. Við stelpurnar ætlum að taka road trip eitthvert útí buskann og svoleiðis.. vá ég get ekki beðið eftir að sumarið sé bara í alvörunni komið.!
Ég og Einar erum búin að vera saman í hálft ár í dag, það er alveg ótrúlegt hvað tíminn er fljótur að líða. Við ætlum einmitt að gera eitthvað skemmtilegt saman í sumar, fara tvö í útilegu, fara vonandi eittvert um Verslunarmannahelgina með vinum okkar. Oh hvað þetta hljómar allt svo spennandi .

Eins og sumir vita á ég afmæli á laugardaginn.Ég tek verklega bílprófið á fimmtudaginn og er smá stressuð, en þetta reddast. Ég ætla að bjóða nokkrum stelpum heim á helginni og vonandi gera mér glaðan dag.Ég bara trúi varla að ég sé að fara að fá bílpróf... geti bara keyrt þegar Einar nennir því ekki .. tekið stelpurnar í rúnt þegar okkur leiðist og svoleiðis.

Ég get ekki annað sagt en ég vorkenni krökkunum í grunnskóla að þurfa að sitja inni í þessu góða veðri og glugga í námsbækur, ég gæti enganveginn hugsað mér að gera það núna. En þetta þurfti maður að ganga í gegnum. Ég hlakka líka til að fá Sólveigu, Kolbrúnu, Katrínu og fleiri skemmtilegar stelpur uppí Menntaskólann á næsta ári. lífga uppá stemminguna, þá er maður heldur ekki lengur yngstur og busi, hehe : )
Það er ekkert smá fúlt að geta ekkert hlaupið almennilega , getað farið á fótboltaæfingar og eitthvað núna.. ég sit bara aðgerðarlaus, fór reyndar aðeins út með Önnu í dag.. pantaði tíma á morgun í Divu í plokkun (þarf að vera fín á laugardaginn) og sitthvað.

Bannerinn hér að ofan var bara settur í fljótfærni .. en þetta eru Unglingameistarar í Boðgöngu stúlkna 2007 !...

Ég ætla ekki að hafa þetta lengra í bili .. en þið megið alveg vera dugleg að tjá ykkur.. ekkert gerðist hér að neðan(frekar vandræðalegt) .. Megið líka alveg segja mér hvað mætti bæta á síðunni.

Með kveðju, Ingibjörg Elín ;)

Afmæli :)

Mon, 30 Apr 2007 13:37:36 GMT

Elsku Jónína mín, hjartanlega til hamingju með 17 ára afmælið. Hlakka til að getað rúntað með þér : )

Hæhæ..langar að skrifa nokkrar línur..

Lokaballið var á föstudaginn.. ég fór ekki á það og ég sé alls ekki eftir því.

Fossavatnsgangan á laugardaginn og ég gekk 20 km og gekk alveg prýðilega.. kom fyrst í mark af konum í 20 og alles.. og fékk stórann farandbikar sem ég fæ að varðveita í eitt ár, og svo annann með .. : ) Gaman af þvíí.. Ég var gjörsamlega búin á því þegar ég loksins kom í mark .. þetta var samt frábært, rosalega gott veður og ég er ekki frá því að ég hafi fengið smá lit í sólinni.

Laugardagskveldið hitti ég bara stelpurnar.. þar á meðal Dagný sem var í jarðaför hjá afa sínum .. samhryggist sæta :* .. Það var fínt að hitta gellurnar aðeins en fór síðan bara heim um svona hálf 2 með Einari gjörsamlega úrvinda úr þreytu.

Á sunnudaginn var kassaklifur hjá unglingadeildinni og ég átti að fara að vinna í Hamró en það var svo mikið að gera hjá þeim að við frestuðum því aðeins. Grill og góður matur heima hjá Einari um kveldið og frábært veður.,.. ég hafði nú ekki meiri orku en það að ég lagði mig eftir matinn til svona hálf 10 og fór síðan aftur að sofa um kl 00.

... Annars er seinasti skóladagurinn í dag, vá hvað þetta er allt saman fljótt að líða. 19 dagar í bílpróf og stutt í almennilegt suuuumarfríí !!!:D

Einar Birkir á afmæli á morgun, 1.maí.. ég ætla að gefa kærastanum mínum eitthvað voðalega fallegt í afmælisgjöf. Þetta verður pottþétt skemmtilegur dagur sem við munum eiga saman á morgun. ;*

ég og mamma :*

-Ingibjörg Elín Magnúsdóttir-

ný mynd & manneskja :)

Wed, 25 Apr 2007 16:15:55 GMT

Aji .. hef ekkert að gera , langar að blogga smá =)

Skólinn er um það bil alveg að verða búinn, bara tveir skóladagar eftir og mánudagurinn fer mest í að fá námseinkunnir og svoleiðis. Ég er nú bara ánægð með frammistöðu mína þessa önn.. góða mætingu og ágætar einkunnir. Ég er nú samt komin með smá námsleiða en það er bara eins og maður fær oftast þegar önnin er alveg að verða búin.. samt munur að vera búin svona snemma í ár.

Sumarið að ganga í garð og bara eitt skíðamót eftir.. Fossavatnsgangan er á laugardaginn og ég ætla að ganga 20.km. Það verður bara gaman. Í sumar ætla ég örugglega að vinna í Hamraborg.. er að fara að prufa á sunnudaginn, er smá kvíðin en vonandi að það gangi bara vel. Enda ekki við öðru að búast .. djók :-)

Ég er að spá í að breyta um útlit á þessari blessuðu síðu.. ekki að hún sé eitthvað geyyyysivinsæl , er bara orðin þreytt á þessu dæmi.

Ætli maður verði ekki að fara að bræða undir skíði eða eitthvað í þá áttina : )

hahha vá hvað við erum sexy, elska þig sæta :*

Ingibjörg Elín : )

.... megið alveg kommenta á þetta .... ef þið hafið eithvað að segja

hey there ..

Fri, 20 Apr 2007 12:03:55 GMT

Hæhæ ..

Gleðilegt sumar ;* .. Ég hef nákvæmlega ekkert að gera hérna í eyðu svo mig langar að skrifa nokkur orð ..

Landsmótið er búið og það gekk svona upp og niður.. hefði getað gengið betur en er samt alveg ágætlega sátt með frammistöðu mína, þetta er búinn að vera skemmtilegur vetur , endalausar keppnir og núna er það bara Fossavatnið sem er eftir.. ég ætla að ganga 20 km núna í ár í fyrsta skiptið, ég held það verið mjög gaman. Ég hlakka mjög mikið til sumarsins, ætla að fá mér ný hjólaskíði (skauta) og æfa vel, hlaupa, fjallgöngu, hjólaskíði og fleira.. held ég verði ekki eins mikið í fótboltanum í sumar eins og seinasta sumar því ég hef sett mér markmið sem ég ætla að reyna að ná og standast. Maður þarf að æfa sig til að vera góður á sínu sviði sjáiði til :-)

Einar er einn heima núna yfir helgina og er að vinna í lögreglunni kvöld, Arna Sigríður er í bænum og ég ætla að bjóða nokkrum stelpum heim til hans og við ætlum að hafa það kósý, það verður mjög gaman :-) Síðan annaðkvöld ætlum ég og Einar að hafa það kósý.. elda og svoleiðis.. hvað er betra en að eiga kósý kvöld?.. hehe =) Hjá mér gerist það allavega ekkert mjög oft vegna vinnu hjá honum.

Í dag eru 29.dagar í bílprófið og ég er ekkert smá spennt.. þar sem ég er búin að ná bóklega á ég bara eftir að ná verklega prófinu sem ég geri eflaust enda fanta góður driver hér á ferð, haha! .. Allavega er planaður rúntur aðfaranótt 19.maí og auðvitað eru stelpurnar búnar að panta sæti. Þetta er svo fljótt að líða að áður en ég veit af verð ég komin á götur bæjarins :-)

Ætla ekki að hafa þetta lengra í bili .. ágætisblogg hjá mér núna, skrifa fljótlega aftur =)

Spurning : Leikjanet.is - Hvaða leik spilaru mest ?

Ingibjörg Elín

ég og hjalti á fyrstu jólunum ;)

!:)

Tue, 10 Apr 2007 17:27:49 GMT

Hæhæ..

Páskarnir eru búnir og ég er ekki búin að opna páskaeggið mitt nr.5, ætla að gera það í kvöld. Páskarnir voru fínir og ég var mikið á skíðum..Einar var mikið að vinna en ég var bara með stelpunum .. þar með talinni Örnu Sigríði sem var frábært að fá loksins í bæinn eftir langa fjarveru.

Ég legg af stað ásamt fríðu föruneyti á Skíðalandsmót Íslands á fimmtudagsmorguninn klukkan 7, það verður ágætt að komast smá í burtu=) Vona að það gangi bara sæmilega : ) SMÍ & Fossavatnsgangan eru einu göngurnar sem eftir eru á tímabilinu að ég held.

Ég fór í bóklega bílprófið í dag og náði því auðvitað, ég er hæstánægð með það.Þetta var ekkert smá mikið stress að horfa á hann fyrir yfir prófið en aaauðvitað náði ég þessu, enda ekki við öðru að búast,hehe! : )

Ég ætlaði bara að skella inn færslu þar sem ég hef ekki gert það lengi, ekki það að margir kommenti .. en það verður bara að hafa það ! : D

ég að koma í mark

Skiptingin hjá mér og Silju í boðgöngunni á UMí gekk brösulega.

~~Ingibjörg Elín~~

Hæhæ : )

Mon, 02 Apr 2007 17:10:12 GMT

Helló there..

Ég ætla nú bara í fyrstu að afsaka bloggleysi undanfarið. Ég hef haft slatta að gera í skólanum & æfingarnar hafa verið strangar fyrir UMÍ.

Unglingameistaramótið var s.s haldið hérna á Ísafirði yfir helgina.. á laugardaginn þá var keppt í brjáááluðu veðri .. maður komst varla áfram vegna vinds! En það gekk alveg ágætlega og ég lenti í öðru sæti.. =) Á Sunnudaginn var keppt í hefðbundinni göngu .. mér tókst að flúga á hausinn og eitthvað all svakalegt.. ég kooolféll. En þarna varð ég þriðja .. ég og Katrín erum að skipta á 2.og 3. sæti á milli okkar sem er fínt !;D Í dag var siðan Boðganga .. við stelpurnar vorum með A , B og C sveit..og vorum jafn framt eina félagið sem keppti hjá stelpunum .. A sveitin sem var skipuð Sólveigu, Silju og mér VANN .. B sveitin sem var skipuð Maju, Rannveigu og Katrínu varð önnur og síðan C sveitin sem var skipuð Sigrúnu, Kolbrúnu og Kristnýju varð þriðja.. þetta var fjör og veðrið betra heldur en hina dagana. Sigurjón, Stebbi og Arnór unnu einnig sigur í boðgöngu drengja.. við erum s.s Íslands&Unglingameistarar í boðgöngu stúlkna og drengja árið 2007.

Nú loksins er páskafríið gengið almennilega í garð hjá mér.. við stefnum að því að flytja upp á næstu hæð um næstu helgi sem verður nice. Ég mun gista eitthvað hjá Einari þangað til því við erum að fara að opna stigaganginn upp þannig það verður mikið um ryk í húsinu þannig ég fer til Einars, Mamma og Teitur til ömmu og afa.. ég held að Hjalti og Pabbi verði bara hér heima í rykinu, hehe =) Ég get allavega ekki beðið eftir að komast í stærra húsnæði .. það verður alger lúxus.. ég fæ líka stærra herbergi (herbergið sem mamma og pabbi eru í núna&eldhúsið).. það verður notalegt.
Arna Sigríður kemur á morgun, ég get ekki beeeðið eftir að sjá hana, ég hef ekki séð hana í 3 og hálfann mánuð. Við stefnum á það að fara á rúntinn á bílnum hennar annað kvöld ef stemmingin verður góð. Arna, ég, Ólafía, NínaGuðrún og Matthildur.. það verður fjöööör =)

Næsta vika fer bara í útsofun, skíði og fleira.. ég fer síðan í ökutíma á morgun klukkan 15:00 ! ég hlakka mjög til að læra "aftur" á beinskiptann bíl þar sem ég held ég hafi bókstaflega gleymt öllu síðan seinast, haha!

Dagný og Hildur María eru komnar í bæinn.. Arna kemur á morgun þannig þetta er fullkomið! Við stelpurnar .. Dagný, Anna, Lísa og Katerina ætlum einmitt að hittast núna eftir smá, ég hlakka til þar sem það hefur ekki gerst lengi.. ég var veik seinast þegar Dagný sæta var hér á Ísafirði.

Ahhh.. held þetta sé orðið alveg nóg í bíli.. þar sem ég blogga í firefox þá get ég ekki sett myndir inn með blogginu en fljótlega koma inn myndir frá helginni !=)

Ingibjörg Elín Magnúsdóttir

P.s Hvernig finnst ykkur nýji bannerinn minn ? Eða þessir flottu beliku og bláu dansandi fuglar8)

Einar besti =)

Fri, 23 Mar 2007 20:59:03 GMT

Hæbb : ) hér kem ég með góða frétt...

Einar fór suður í gær og keppti á Íslandsmeistaramóti Iðnnema í dag.. í smíðum og hann gerði sér auvðitað lítið fyrir og vann þetta !! Þar með orðinn Íslandsmeistari í smíðum , ekki amalegt það ;)
Ég er að springa úr stolti af kallinum og ég má sko alveg vera stolt af honum .. hann er auðvitað í hæstu hæðum sjálfur..

Ég ætlaði fyrst ekki að trúa þessu þegar hann sagði mér þetta en auðvitað er þetta bara gaman .. Biggi var í öðru en hann var valinn ásamt Einari að keppa þarna fyrir sunnan. Þetta er náttúrulega bara frábært fyrir Menntaskólann og fleiri .. : )

Annars.. hef ég voðalega lítið að gera.. veit svona eiginlega ekki hvað ég geri af mér í kvöld en það reddast.. mamma komin heim og allt að verða komið í fastar skorður á ný ;)

Bið að heilsa ykkur fólk ! =) Eigiði góða helgi ..

Halló

Wed, 21 Mar 2007 22:47:15 GMT

Hæhæ 8)

Núna hef ég aldeilis góða ástæðu til að blogga .. ég sit hér inní tölvuherbergi í Móholtinu (heima hjá Einari) og svona eiginlega bara býð eftir að kakan sem við vorum að baka fari að verða tilbúin. Þannig er mál með vexti að mamma mín kemur heim með fyrri vél á morgun ef veður leyfir og ég og Einar ætlum að vera tilbúin með skúffuköku fyrir hana. Það er búið að finna út hvað er að henni og hún á að vera komin í gott stand í Júní segja læknarnir, þetta eru náttúrulega bara frábærar fréttir fyrir fjölskylduna og nákomna því þetta hefur staðið yfir svo lengi og flestir auðvitað orðnir þreyttir á þessu. Ég er allavega ekkert smá glöð að það sé búið að finna hvað sé að og allt fari svona fljótlega að falla í sama veg á ný eftir u.þ.b eitt ár. :|

Einar átti að fara suður í dag að keppa á íslandsmeistaramóti iðnnema en það frestast fram á morgun eða lengur vegna veðurs. Ég er ekkert smá stolt af honum að fara að keppa á íslandsmeistaramóti í smíðum , það er töff ! .. Svo ætluðum við að fara suður helgina 30 . mars og Unglingameistaramót Íslands átti að vera þessa helgi en því er frestað um viku vegna slæmrar veðurspáar. Þá bara verður maður að velja og hafna þó það sé auðvitað leiðinlegt því það er alveg búið að vera nógu og mikið vesen með þessa Reykjavíkurferð okkar Einars, en það mun bara bíða betri tíma þegar ekkert annað stöðvar för okkar suður. Ég hlakka mjög mikið til. !

Mér finnst ekkert smáá stutt í bílprófið .. innan við 2 mánuðir og ég er strax byrjuð að æfa mig að taka bílpróf á netinu og þess háttar. Ég ætla svo að taka bara prófið eins fljótlega og ég get, þegar ég er búin að lesa nóg og læra auðvitað, ég bara nenni ekki að vera sein í því að gera það og þurfa svo kannski að taka prófið eftir að ég á afmæli, það bara fíla ég ekki. . hehe . Það líður ekki að löngu þangað til ég verð farin að krúsa á götum bæjarins krakkar mínir ! ÁN mömmu og pabba : P

Váá þegar ég lít til vinstri útum gluggan blasir við mér STAUR klikkað veður.. úff.. ég vona að það verði flogið í fyrramálið, það bara VERÐUR ! .. bæði mamma & Silja Rán að koma..það má samt alveg vera ófært landleiðina mín vegna! : )

Eftirfarandi myndir eru af mér , Sveinbirni Orra og Hákoni Ara .. fyrir svolitlu þannig að Hákon Ari er orðinn töluvert stærri og fullorðinslegri en á þessum myndum. Þessir drengir eru mestu krútt sem þú finnur ! : )

ég og Hákon Ari í góðu geimi !

Sveinbjörn Orri- Hákon Ari og ég .. mér finnst Hákon ARi svo fyndinn á þessari ! =)

Ég ætla ekki að hafa þetta mikið lengra í bili .. takk fyrir mig. Það væri svo vel þegið ef þið munduð skilja eftir spor hér í kommentum , ég blogga nú ekkert það oft :D

Ingibjörg Elín Magnúsdóttir

4 mánuðir :)

Thu, 15 Mar 2007 20:29:06 GMT

Hæhæ :)

Í dag akkúrat erum ég og Einar búin að vera saman í 4 mánuði, mér finnst tíminn alveg skuggalega fljótur að líða...alveg eins og þetta skeði bara í gær , hehe : )
Hann var voðalega sætur í sér og kom hingað heim til mín í hádeginu með 4 rauðar rósir, ég er ekkert smá ánægð. Elska þig mest í heimi :*

Allavega.. ég er núna veik í 4 eða 5. skiptið í vetur, og ég er ekki að fíla það .. í þetta skiptið er það nefrennsli og hausverkur sem leiðir útfrá því .. og svo bara vanlíðan út í gegn. En svona er lífið , maður verður að takast á við það .

Strandagangan er núna næstkomandi laugardag og ég var búin að ákveða að skella mér í 20 km sem svona smá upphitun fyrir Fossavatn en maður fer víst ekkert svona, þannig ég verð bara heima og sendi Einari og fleirum hlýja strauma á Steingrímsfjarðarheiði : )

Hjalti átti afmæli á s.l föstudag og varð 18 ára kallinn, ég gaf honum tyggópakka og 2 sleikjóa.. er það ekki bara hugurinn sem gildir ? hehe Óli á síðan afmæli á morgun18 ára eins og Hjalti ,..til hamingu Óli minn =)

Langaði bara að skella einni færslu inn því ég hef ekkert að gera og þannig hefur það verið í allann dag.

Ingibjörg Elín

ég er svo heppin

Sun, 11 Mar 2007 04:52:34 GMT

Ég er svo heppin..

Ég á frábærasta kærasta í heimi.. bestu vinkonur & vini sem til eru og klárlega heimsins bestu fjölskyldu...

Ég er hamingjusöm.. elska ykkur öll : )

p.s Ég var að koma heim af balli og var klárlega eina edrú manneskjan á svæðinu sem skemmti sér, þetta var geðveikt !

-ingibjörg elín

Helgin . ?

Sun, 25 Feb 2007 20:24:40 GMT

...

Vá hvað þessi auglýsing hér fyrir ofan fer ekkert smá mikið í taugarnar á á mér, bara vegna þess að þegar maður setur músina yfir hana þá heyrist hljóð, það er eitthvað stef með þessari bjána auglýsingu, þvílíkt bögg! Fer þetta ekki í taugarnar á e-um fleirum heldur en mér ??

Annars er helgin senn á enda eins og ég hef óskað mér seinustu daga, Einar er núna á leið sinni til Ísafjarðar og hlakka mjög mikið til að hitta kappann eftir cirka 12 daga, úff : )

Ég hef ekkert verið að gera á helginni , það sem ber mest uppúr er að ég fór í lummur til Ömmu&Afa í gær og tók einn rúnt með pabba í gær og auðvitað keyrði ég , besti driverinn =) Annars hef ég verið að taka til í herberginu líka, maður verður að hafa eitthvað að gera meðan maður er að ná þessum veikindum úr sér.. ég ætla að vera búin að gera allt hreint í herberginu þegar Einar kemur sem verður örugglega í kringum miðnætti.

Ég hlakka mjög til að geta farið að æfa á ný í komandi viku, ég hef ekki stigið á skíði núna í meira en viku sem er fjandi mikið, hreyfingaleysi í gangi vegna veikinda, þoli ekki þegar það gerist. Vestfjarðarmót í lengri vegalengdum var í dag og engin keppti í okkar flokki því ég og Sólveig erum við það að stíga uppúr veikindum og KolbrúnogKatrín að vinna.. þannig það má með sanni segja að ég og Sólveig séum gjörsamlega ómissandi ? haha 8)

Ég ætla að halda áfram að "snyrta" í herberginu mínu... gerið það svo fyrirmig að vera duglegri að skrifa komment , koma meiri en hundrað á dag á síðuna og ég fæ að meðaltali eitt komment.. gaman gaman !

ég googlaði skonsumynd sem var her.. en það má víst ekki stela af þessari kellinu, kom eitthvað svaka dæmi í staðinn fyrir myndina, hahah lol ! : )

-Ingibjörg Elín

Spurningamerki

Sun, 25 Feb 2007 00:21:36 GMT

Spurningamerki